Kyndil

Kyndil varð stovnað 10. mars 1956 og hevur síðan tá verið ein partur av Gundadali og føroyskum hondbólti. Í meira enn 70 ár hava vit savnað børn, ung og vaksin um hondbóltin – men Kyndil hevur altíð verið meira enn tað, sum hendir á vøllinum.

Hjá okkum snýr tað seg um samanhald, gleði og góðan ítróttaranda. Her verða vinarløg knýtt, góð minnir skapað og børn og ung fáa møguleika at mennast – bæði sum hondbóltsspælarar og sum partur av einum sterkum felagsskapi.

Kyndil hevur ígjøgnum árini vunnið nógv meistaraheiti og steyp við bæði kvinnum og monnum. Men hjartað í felagnum er og verður ungdómurin, tey sjálvbodnu og øll tey, sum hvønn dag eru við til at skapa Kyndil.

Vit eru errin av okkara søgu, men hyggja altíð frameftir. Tí Kyndil er ikki bara eitt hondbóltsfelag. Kyndil er ein felagsskapur.