Søgan


Fløgan og bókin um Kyndil, sum komu út á 50 ára degnum í 2006

Kyndil varð stovnað í 1956 í Losjuni í Havn. Tankin við felagnum var at sameina fráhald og ítrótt, og hugmyndin var, at í einum frískum likami er ein frísk sál.

Stovnandi aðalfundurin var leygarkvøldið 10. mars 1956 í Losjuni. Tilsamans 37 fólk skrivaðu seg upp sum lim hetta kvøldið. Seinni sama ár komu fimtan limir aftrat.

Í fyrstu nevndina vórðu vald Jógvan Andras Joensen, formaður, Johannis Jacobsen, næstformaður, Viggo í Stórustovu, skrivari, og Elsa Poulsen, kassameistari. Tiltaksfólk vóru Rannvá Hentze og Nikk Hansen.

Fyrsti fundurin tók undir við uppskoti um, at felagið skuldi hava grønu troyggju og hvítar buksur sum leikbúna. Tann 14. mars 1956 søkti Kyndil ÍSF um limaskap. Limaskapurin varð játtaður 19. mars.

Oddafólk í Kyndli hava gingið undan innan hondbólt í Føroyum. Tey tóku stig til at fáa Føroyum limaskap í altjóða hondbóltssambandinum, IHF, longu í 1966, og limskapurin varð endaliga váttaður í 1974.

Tó fingu Føroyar royndarlimaskap longu í 1970, og tí vórðu fyrstu Evropa Cup-dystirnir nakrantíð spældir í Føroyum í 1972. Hetta var í høllini á Hálsi. Dystirnir vóru ímillum menninar hjá Kyndli og finska liðið, Helsingfors. Finnar vunnu báðar dystirnar.

Kyndil hevur síðan stovnanina vunnið meistaraheitið hjá monnum í bestu deildini 30 ferðir, og tað er met. Kvinnurnar hjá Kyndli hava eisini verið meistarar nakrar ferðir. Ungdómsliðini standa seg vanliga væl og hava vunnið mangt eitt meistaraheiti til felagið.

Søgan hjá Kyndli er væl lýst í bókini "Bjartur lýsir kyndilslogin" eftir Súna Merkistein, sum kom út í 2006 í sambandi við 50 ára stovningardag felagsins. Bókin fæst til keyps í Kyndilsrúminum.


Jóannes Dalsgarð og Niels Nattestad til FM-finalu í 2013. Gamlir í garði í Kyndli!

 


 

Kunning

 
 
Myndasavn

Dronninglund 2

Stuðlar

 
 
 
 
 
 
 
 
 
 
 
 

 

Fylgið okkum

Kyndil

Kyndil varð stovnað 10. mars í 1956.

Felagið hevur vunnið 30 meistaraheitir í bestu mansdeildini og seks í bestu kvinnudeildini. Í 2014 vunnu kvinnurnar greipuna og menninir steypakappingina.

Í yngru deildunum hevur felagið vunnið hópin av FM-heitum og steypafinalum. Tilsamans hevur Kyndil vunnið 41 steyp bara síðan 2010. Tað er met.

Felagið leggur hvørt ár dent á at hava dugnaligar venjarar, ið læra spælararnar at spæla góðan hondbólt.

Vilt tú royna teg, so kom í Kyndil! Her ganga vinnaraandi, lærdómur og samanhald hond í hond!