11-04-2017
|
Kyndilsmenn halda fast í venjaratoyminum
Kyndil hevur gjørt sáttmála við Julian Johansen og Andreas F. Hansen fyri komandi kappingár.
Julian Johansen, sum hevur verið partur av venjaratoyminum seinastu 2 kappingarárini, hevur játtað at halda fram komandi kappingarár.
Andreas F. Hansen kom inn í mans venjarahópinum í Kyndli í februar, har avtala varð gjørd restina av inniverandi kappingarár.
Samstarvið hevur gingið væl í venjaratoyminum, og eru partarnir komnir ásamt um at halda fram komandi kappingarár.
Andreas F. Hansen hevur áður verið venjari hjá fremsta kvinnuliðnum í Kyndli, kvinnulandsliðsvenjari, og fyrr vant manslið.
Felagið sær fram til komandi kappingarár.
Framtíðin er Grøn!
Aftur