Kyndil

So er klárt til Dronninglund

Í kvøld var kunnandi fundur fyri foreldrum í kantinuni á Hálsi í sambandi við, at 100 spælarar og venjarar úr Kyndli og mong foreldur fara til Dronninglund fríggjamorgunin. Skráin fyri túrin er spennandi, og boðað er frá besta summarveðri

Ferðalagið verður burtur frá 3. juli til 12. juli, og tey flestu fara avstað við Norrønu fríggjamorgunin kl. 3.30. Leygardagin 4. juli kl. 12.30 er Norrøna í Hirtshals, og so verður kósin sett ímóti Dronninglund at koma upp á pláss.

Sunnudagin 5. juli kl. 9.00 er Fårup Sommerland á skránni. Bussar koma eftir ferðalagnum, og so verður dagur í viku á kenda skemtistaðnum heilt til kl. 19.00, tá leiðin gongur aftur til Dronninglund.

Mánadagin 6. juli verður hondbóltsstevnan sett kl. 19.30, men áðrenn er innkeypstúrur á skránni í Ålborg. Farið verður avstað kl. 9.00, og so verður farið heimaftur seint seinnapartin til setanarhaldið.

Frá 7. til 10. juli er full ferð á hondbóltinum, og spennandi verður at síggja, hvussu kyndilsliðini fara at standa seg, tí mangan hava tey staðið seg væl í Dronninglund. Liðini úr Kyndli verða G12, G14, G16, G22 og D14 og D16/18.

Kyndilsfólk verða ikki einastu føroyingarnir á staðnum, tí VÍF fer eisini avstað við 90 spælarum og mongum foreldrum.

Lagt er sostatt upp til bæði spenning og góðan hugna millum kyndilsfólk og vestmenningar, sum annars hvørt ár kappast dúgliga sínámillum í heimligu kappingini.